Málið um Atla verður avgreitt skjótt

Málið um Atla verður avgreitt skjótt
Tað sigur forsetin í Fótbóltssambandinum, Christian F. Andreasen. Víkingur hevur sent eina áheitan til FSF, um at loyva Atla Gregersen at spæla restina av kappingarárinum
Atli Gregersen, hjálparvenjari, Christian F. Andreasen, forseti, og Eyðun Klakstein, landsliðsvenjari
Mynd: Hans Erik Danielsen/FSF  
 
28.08.2025 - 12:10

- Vit arbeiða við málinum í løtuni, og eg vænti, at vit koma til eina niðurstøðu í kvøld ella í morgin, sigur Christian F. Andreasen, forseti í Fótbóltssambandinum.

Atli Gregersen hevur eisini ein sáttmála við Fótbóltssambandið sum hjálparvenjari hjá manslandsliðnum. Her er ein átekning, sum sigur, at hann skal gevast, tá leikluturin hjá Víkingi er útspældur í Evropa, ella í seinasta lagi 31. august.

Víkingur spælir leygardagin móti B68 og sambært avtaluni við FSF, so skal hetta verða seinasti dysturin hjá Atla Gregersen. Nú hevur Víkingur sent eina áheitan til Fótbóltssambandið, um at síggja burtur frá treytini í sáttmálanum.

- Beint nú veit eg einki. Eg veit, at ein áheitan er send til FSF, men eg havi einki við tað at gera. Eg virði ta avgerð, sum verður tikin, sigur Atli Gregersen sjálvur.

Tað er ein møguleiki fyri, at hetta verður seinasti dysturin hjá honum. Hann hevur sambært Faroesoccer spælt 586 dystir fyri besta liðið hjá Víkingi og 59 landsdystir.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486