Umhvørvisstovan fer at burturvísa umsókn um Eirargarð

Heimild er ikki í lóggávuni um tinglýsing og matrikul at brúka leistin, sum landsstýrið ætlar at brúka, tá Eirargarður 2 skal latast Húslánsgrunninum.

Og Umhvørvisstovan fer ikki at geva undantak, men at burturvísa umsóknini frá landsstýrinum.

Umhvørvisstovan hevur eitt uppskot um annan leist.

Umhvørvisstovan heldur grundleggjandi ikki, at tað er ráðiligt at samtykkja eitt lógaruppskot, hvørs endamál partvís er at seta tinglýsingar- og matrikkullóggávu úr gildi bara til frama fyri ein bygning.

Leisturin, sum umhvørvisstovan mælir til, er ikki lógarbrot, sigur Umhvørvisstovan.

Sí hoyringarskrivið frá Umhvørvisstovuni her.

Uppskotið hjá landsstýrinum um at lata Húsalánsgrunninum Eirargarð 2 hevur fingið fyrstu viðgerð í tinginum,  er nú rættarnevndini.