Grót ruddi oman á vegin í Kaldbaksbotni

Eingin skaði var, tá ein stórur steinur rullaði oman á vegin í Kaldbaksbotni um eitt tíðina í dag. Vanliga er nógv ferðsla á hesum vegateininum.

Løgreglan varð boðsend, og leiddi ferðsluna fram við steininum, sum vigaði eini tvey tons. Hann var meiri enn ein metur til longdar og 70 centrimetrar til hæddar.

Fólk frá Landsverki vórðu eisini boðsend, og tey ruddaðu steinin burtur av vegnum. Síðani kundi ferðslan halda fram sum vant.