Útlendsk arbeiðsmegi verður alment stuðlað til ikki at arbeiða

Útlendsk arbeiðsmegi verður alment stuðlað til ikki at arbeiða
Ruth Vang, landsstýriskvinna, sigur, at útlendska arbeiðsmegin er vorðin ein vaksandi partur av fiskavirkisskipanini
Ein vaksandi partur av útlendsku arbeiðsmegini er í fiskavirkisskipanini, hevur ALS víst á. (Savnsmynd)
 
10.09.2025 - 14:58

Tað gevur lítla meining innflyta arbeiðsmegi, sum verður alment stuðlað til ikki at arbeiða. Skulu Føroyar mennast sum land, er neyðugt, at tilflytingin gevur eitt týðandi ískoyti til samfelagið.

Tað sigur Ruth Vang, landsstýriskvinna í fíggjarmálum, sum hevur svarað fyrispurningi frá Eyðdis Hartmann Niclasen, løgtingskvinnu, um kostnaðin av arbeiðs- og uppihaldsloyvum og familjusamanføring.

Nýggjasta frágreiðingin hjá Búskaparráðnum vísir, at níggju prosent av samlaða starvsfólkatalinum eru útlendingar.

 

Ruth Vang, landsstýriskvinna.

 

Vaksandi partur av fiskavirkisskipanini

Tølini vísa, at útlendingar fylla støðugt meira í fiski- og framleiðsluvinnuni. Sagt verður, at fiskavirkisskipanin virkar sum vinnustuðul og fastheldur arbeiðsmegi ívinnu, sum liggur still, meðan stórur tørvur er á arbeiðsmegi aðrastaðni í búskapinum.

Tølini fyri útlendska arbeiðsmegi benda á, at útlendska arbeiðsmegin nú savnast um hesar vinnur, og sambært ALS eru útlendingar ein vaksandi partur av fiskavirkisskipanini.

 

Eyðdis Hartmann Niclasen, løgtingkvinna. (Mynd: Bjarni Árting Rubeksen)

 

Eiga at tora at seta krøv

Ruth Vang sigur í svarinum til Eyðdis Hartmann Niclasen, at tað krevst ikki bara góð integratión og almenn fyrisiting at taka ímóti útlendskari arbeiðsmegi.

- Tað krevur eisini, at vit tora at seta krøv til tey, sum koma, og at vit ikki hava skeiklandi skipanir, sum eggja til ein óeffektivan vinnubygnað. M.a. tí haldi eg, at vit eiga hyggja at, um tað gevur meining við eini fiskavirkisskipan frameftir, sigur Ruth Vang.

Les alt svarið her.

 
Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592