10 vilja vera brekumboð

10 umsóknir eru komnar til starvið sum brekumboð.

Freistin fór á middegi í dag.

Í juli varð starvið sum brekumboð lýst leyst, og tá komu fimm umsóknir.

Jeanette Ellefsen Blaasvær, deildarleiðari í Almanna- og Mentamálaráðnum, segði tá við Kringvarpið, at setanarbólkurin vildi hava fleiri umsóknir, og tí varð avgjørt at lýsa starvið leyst av nýggjum.

Nú, ið freistin er farin í seinna umfari, eru fimm umsóknir komnar aftrat, og sostatt eru 10 umsóknir tilsamans.

Starvið verður sett 1. novembur, ella eftir nærri avtalu.

Brekumboðið skal virka um alt landið, og starvið er staðsett í Klaksvík.