Kommunurnar fáa alt demensøkið

Almanna- og Mentamálaráðið ætlar nú at hava tænastuna til teirra, sum hava demens, á einum staði.

Tað eru bæði tey, sum eru yngri enn 67, og tey, sum eru 67 ár ella eldri.

Síðani eldraøkið var latið kommununum í 2015, hevur ofta verið frammi, at fólk undir fólkapensjónsaldur, sum hava demens, detta niður ímillum skipanir, tað eru skipanir hjá landi og kommunum. 

Uppskotið hjá landsstýrinum er at lata kommununum alt økið. 

Men Almannaverkið fer tó framvegis at veita hjálpartól til øll fólk við demensi, sum ikki búgva í sambýli ella ellis- og røktarheimi hjá kommununum. Almannaverkið fer eisini at hava alkoholdemens.

Almannaverkið

Dagtilboð og umlætting til fólk við demensi kosta Almannaverkinum 4,6 mió. kr. í ár. Henda játtanin skal latast kommununum.

Eru dottin niður ímillum skipanir

Markamótsnevndin hevur avgjørt, at landið skal veita dagtilboð og umlætting til fólk við demensi undir fólkapensjónsaldri.

Kommunurnar skulu veita búpláss.

Men kortini detta fólk niður ímillum skipanirnar.

Tí ætlar landsstýrið nú at steðga.

Dagtilboð og umlætting til fólk við demensi kosta Almannaverkinum 4,6 mió. kr. í ár.

Hesir pengar vera fluttir kommununum, stendur í viðmerkingunum um lógaruppskotið.