Tvíhalda um, at hekkuportrið var ikki opið

Strandferðslan tvíheldur um, at portrið á Galaxy var ikki opið, túrin um Suðuroyarfjørð 1. september.

Strandferðslan læt seinnapartin í gjár Sjóvinnustýrinum frágreiðing um málið. 

Tað var týsdagin, at ein mynd varð almannakunngjørd, sum vísir, at hekkuportrið á Galaxy var opið, meðan skipið sigldi. 

16092025_dov_innslag_galaxy_0003.jpg

vikmargalaxy.png

Sonevnd "metadata" vísa, at myndin av dekkinum á Galaxy varð tikin klokkan seks minuttir yvir hálvgum sjey mánakvøldið 1. september.

Galaxy sigldi tá beint eystan fyri Lítlu Dímun, á veg suður á Krambatanga. 

Myndin, ið varð víst á heimasíðuni hjá Kringvarpinum og í Degi & Viku týskvøldið, vísir, at hekkuportrið er ikki aftur - dagsljós sæst ímillum - og eisini er ein stroppur bundin í portrið. 

Hoyr samrøðu við Niels Nielsen, rakstrarstjóra á Strandferðsluni, í útvarpstíðindunum: