Beinleiðis úr Studio 5 - Eero Koivistoinen

Finski saxofonleikarin Eero Koivistoinen vitjaði í Føroyum fyrstu ferð í 1979 og var longu tá eitt kent navn í finskum jazzi. 

Á teirri ferðini brúkti hann síni evni sum bæði saksofonspælari, tónaskald og orkesturleiðari. Eisini stílaði hann fyri undirvísing og vegleiðing fyri føroyskum tónleikarum.



Tá var tað ein týðandi partur av arbeiðnum hjá Havnar Jazzfelag at brúka lærdóm og íblástur hjá teimum vitjandi tónleikarunum til at betra og víðka stigið hjá føroysku tónleikarunum.

 

Hetta er fjórðu ferð, at Eero vitjar í Føroyum. 

Hann hevur latið frá sær 28 útgávur í egnum navni. Eisini er hann við á plátuni “Jazz í Føroyum III” (1982) og á fløguni “Lög” hjá Edvardi N. Debess (2003), ið eisini hevur spælt við honum í Føroyum fyrr.

Edvard N. Debess, kontrabass, Pauli R. Poulsen á guittar og James P. Goodwin, trummur, spæla við Eero Koivistoinen á føroyaferðini.



Hvat: Beinleiðis í Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð