Námsfrøði: Hjálparfólk skulu fáa diplomútbúgving á Setrinum

Til tess at uppraðfesta námsfrøði skulu hjálparfólk fáa boðið eina partíðar námsfrøðiliga diplomútbúgving á Fróðskaparsetrinum, og skotið verður upp at játta pening til hesa útbúgvingina á fíggjarlógini næsta ár.

Tað sigur Djóni Nolsøe Joensen, landsstýrismaður í barna- og útbúgvingarmálum.

Hann sigur, at arbeitt verður eisini við, at næmingar, sum hava tikið námsfrøðiligu hjálparútbúgvingina á heilsuskúlanum í Suðuroy, skulu fáa møguleika at nema sær meira útbúgving innan námsfrøði.

Sanna á Løgmansbø Vindagið

Sanna á Løgmansbø. (Mynd: Bárður Lydersen)

Sanna á Løgmansbø, forkvinna í Pedagogfelagnum, hevur víst á, at tørvur er á fleiri enn 500 námsfrøðingum, og samstundis veksur starvsøkið hjá námsfrøðingum.

Hon undrast á, at Fróðskaparsetrið aftur í ár bara hevur tikið ein námsfrøðiflokk inn. 

Hoyr innslag í útvarpstíðindunum: