Meiri toskur á Flemish Kap

Føroyar fáa 614 tons meira tosk á Flemish Kap.

Kvotan næsta ár verður 3.433 tons.

Hon er 2.819 tons í ár.

Hatta var samtykt á ársfundurin hjá NAFO í Halifax í síðstu viku.

Mest loyvda toskaveiðan var hækkað 21,7 prosent.

Føroyski parturin av toskakvotuni er 22,35 prosent.

Kvoturnar av svartkalva og kongafiski vera tær somu næsta ár sum tær eru í ár, ávikavist 187 tons og 69 tons.

Rækjuveiða framvegis bannað

Á Grand Bank fáa Føroyar 40 tons av toski. Kvotan í ár er 20 tons.

Bannað hevur verið at fiska rækjur á Flemish Kap síðani 2022 og á Grand Bank síðan 2015.

Tað veiðibannið heldur fram.

Kanningar vísa tó, at rækjustovnurin í kanadiskum sjógvi er vaksandi og útbreiðsluøkið broytt. 

Vísindaráðið fyrireikar nýggja stovnsmeting og eitt tilmæli um rækjuveiðu á Grand Bank til næsta ársfund hjá NAFO.