Kostar 54 milliónir at høvuðsumvæla Steinatún

Tað fer at kosta 54 mió. kr. at høvuðsumvæla bygningin Steinatún.

Tað sigur metingin.

Umvælingin skal byrja í ár og vera liðug í 2029.

Vánalig inniluft er í bygninginum. Inniluftin er versnað seinastu árini, tí bygningurin lekur.

Hon er nú so ring, at tey, sum arbeiða í bygninginum, skulu flyta haðani.

Brúka tríggjar hæddir

Tórshavnar kommuna brúkar triggjar hæddir til fyrisiting. Trý leigumál eru á fyrstu hædd.  

Í juli spurdi trygdarnevndin fyri fyrisitingina starvsfólkini um sjúkueyðkenni. 

Tórshavnar kommuna keypti bygningin, sum er bygdur í 1958, frá BankNordik í 2013.

Býráðið hevur í fyrsta umfari játtað fýra milliónir krónur til verkætlanina.