Politiið leitar eftir vitnum í sambandi við neyðtøkuroynd

Politiið leitar eftir vitnum í sambandi við eina neyðtøkuroynd, sum fór fram í miðbýnum í Havn sunnumorgunin 7. september klokkan gott fýra.

Hendingin byrjar við, at tríggir mans koma yvir til tvær 18 ára gamlar kvinnur, sum sita uttan fyri Margarinfabrikkina, millum Tórsgøtu og Magnus Heinasonar gøtu. Menninir tosa enskt. Løtu seinni fara teir avstað.

Ein teirra kemur tó aftur og roynir at gera seg inn á kvinnurnar. Tá hetta miseydnast, rennur maðurin frá staðnum. Maðurin, sum tosar enskt, hevur myrka húð, og verður mettur at vera umleið 30 ár, sigur politiið.

Leitað verður eftir vitnum, sum hava sæð hendingina, ella mannin renna frá staðnum. Politiið hevur nummar 351448