- Tíðindi, mentan og ítróttur
Rættarnevndin fer nú at viðgera fosturtøkulógina
Rættarnevndin fer nú at viðgera fosturtøkulógina
Málið fekk 1. viðgerð í tinginum í gjár, og forkvinnan í rættarnevndini ætlar at fáa málið aftur í tingið í seinasta lagi um ein mánað
Hervør Pálsdóttir er forkvinna í rættarnevndini.
Mynd: Bjarni Árting Rubeksen
01.10.2025 - 12:24
Uppskotið um at seta markið fyri fosturtøku úr 16 vikum niður í 12 vikur, um inntrivið verður gjørt áðrenn endanum av 12. viku í viðgongutíðini, og kvinnan hevur fingið í boði ráðgeving, læknafrøðiliga kunning og vegleiðing um inntrivið, var til fyrstu viðgerð í løgtinginum í gjár.
Málið var beint í rættarnevndina, sum fer at hava fund í næstu viku , sigur Hervør Pálsdóttir, forkvinna í rættarnevndini. Hon er eisini ein av uppskotssetarunum.
Nevndin hevur ein mánað at viðgera málið og skriva álit. Hervør Pálsdóttir sigur, at málið kemur aftur í tingið, áðrenn freistin er farin.
Hoyr innslag í útvarpstíðindunum:
01102025_Hervor
Er kopiera
Nýggjastu sendingar í ÚV
Nýggjastu sendingar í SV
