Brúka milliardir at styrkja verjuna í Grønlandi og Arktis

Verjan í Grønlandi skal styrkjast nógv.

Tað sigur upprit hjá verjumálaráðnum, sum TV2 í Danmark hevur fingið fatur í.

Talan er um tvey skip aftrat teimum trimum, semja longu er um at byggja, flogfør, ísbrótara, fleiri radarar, dronur, herfólk og nýggja høvuðsstøð í Nuuk.

Eisini skal havnin í Nuuk útbyggjast, so meira pláss er til skipini hjá verjuni.

Og ætlanir eru eisini um at betra flogvøllin í Kangerlussuaq.

Tvísiffrað milliardaupphædd skal brúkast til at styrkja verjuna í Grønlandi og Arktis.

Flokkarnir, sum eru við í donsku verjusemjuni, skulu hittast í kvøld.

Og væntandi kemur semjan um at styrkja verjuna í Grønlandi í lag í  morgin, sigur TV2.