Hava skrivað undir friðaravtalu um Gasa

Egyptiska sjónvarpsrásin Al Qahera skrivar, at fyrsti partur av friðaravtaluni millum Hamas og Ísrael var undirskrivað klokkan 10 fyrrapartin føroyska tíð.

- Avtala er gjørd um at fáa vápnahvíld í lag og enda kríggið í Gasa eftir tvey ár við líðingum, sigur egyptiski forsetin, Abdel Fattah al-Sisi, sambært Al Qahera.

Vápnahvíld og fagnaður í Telaviv

Eisini í Ísrael fegnast tey um friðaravtaluna. (Mynd: Reuters/Ritzau Scanpix)

Talsmaður fyri ísraelska forsætisráðharran, Benjamin Netanyahu, sigur, at avtalan kemur ikki í gildi, fyrr enn ísraelska tingið, Knesset, hevur góðkent hana.

Sambært talsmanninum verður hetta seinnapartin ella í kvøld.