Breddin: Føroyskur limaskapur í WTO

Hvat merkir úrskurðurin hjá grein 6-nevndini, og hvussu ber tað til, at niðurstøðan er øðrvísi enn tann hjá løgmálaráðnum og forsætisráðnum, verður spurt í sendingini

Nú er líkt til, at Føroyar kunnu fáa sjálvstøðugan limaskap í heimshandilsfelagsskapinum, WTO.

Marjun Dalsgaard

14.10.2025 - 09:25

Tann 10. september kom sonevnda grein 6-nevndin til ta niðurstøðu, at Føroyar kunnu gerast sjálvstøðugir limir í heimshandilsfelagsskapinum, WTO.

Grein 6-nevndin kann sambært heimastýrislógini taka avgerðir í ósemjum um viðurskifti í ríkisfelagsskapinum, og hetta er fyrstu ferð at henda nevndin er sett at viðgera eitt trætumál millum danskar og føroyskar myndugleikar.

Men hvat merkir úrskurðurin hjá nevndini, og hvussu ber tað til, at nevndin kemur til aðra niðurstøðu enn danska løgmálaráðið og forsætisráðið hevur sagt í mong ár?

Tað er evnið í Breddanum í dag.

Seinni í sendingini koma umboð fyri politisku flokkarnar í útvarpstovuna at skifta orð um, hvønn týdning tað hevur fyri sonevndu loysingarætlanirnar hjá løgmanni.

Breddin í útvarpinum klokkan 10.