Føroysku kvinnurnar taptu tepurt

Føroyska fótbóltslandsliðið við kvinnum tapti tepurt 1-0 fyri Litava í fyrra venjingardystinum í Baltic Cup.

Rimante Jonusaite skeyt málið hjá vertunum, tá 38. minuttir vóru spældir av dystinum, og tað eydnaðist ongantíð føroyingunum at svara aftur. 

Pætur Smith Clementsen byrjaði við einum sterkum og nærum fullmannaðum liði, sum líktist teimum, sum stóðu seg væl í Nations League fyrr í ár.

Føroyar spæla aftur mánadagin ímóti Estlandi, sum tapti sín fyrra dyst fyri Lettlandi.