Breddin: Tryggingarfelag gevur ráð um uppaling og heilsu

Privata tryggingarfelagið Betri Trygging er farið undir eitt átak, sum kallast SkíggjaSunn.

Á heimasíðuni hjá felagnum verður víst á, at børn í dag spæla minni saman, sova verri, og tey gerast minni empatisk.

Alt hetta verður sett í samband við ov nógva tíð framman fyri skíggjan.

Men spurningurin er, hví eitt privat tryggingarfelag skal geva ráð um uppaling og heilsu, og hvussu álítandi eru tær niðurstøður, sum felagið byggir sín boðskap á.

Í sendingini spyrja vit, hvar markið gongur millum upplýsing og marknaðarføring - og hvør eigur at ráða, tá tað snýr seg um børn, skíggjar og trivnað.

Breddin klokkan 10.