Anders Bøgesvang varastjóri á Landssjúkrahúsinum

Anders E. Bøgesvang settur sum varastjóri við læknafakligari bakgrund á LS. 1. mars 2014 tekur hann við starvinum.

Hann hevur játtað seg til eina fyribils starvssetan í 2 ár, við hálvtíðar starvsbrøki.

Anders E. Bøgesvang er 48 ára gamal, og útbúgvin serlækni í anæstesiologi (narkosulækni) við góðkendari sergrein innan pínuviðgerð og pínulinnan (palliatión), og hevur m.a. starvsroyndir sum yvirlækni og deildaryvirlækni í norska heilsuverkinum umframt frá egnari klinikk.

Sjúkrahússtjórnin verður soleiðis: Naina Túgvustein, varastjóri; Anders Bøgesvang, varastjóri og Sigurð Ó. Vang, sjúkrahússtjóri.