Breddin: Fosturforeldraskipan og friðarsamráðingar um Ukraina

Alsamt fleiri børn hava tørv á fosturfamiljum, og samstundis er tørvur á fleiri fosturheimum. 

Politiska skipanin hevur lovað at bøta um umstøðurnar, men enn eru ikki gjørdar broytingar í 20 ára gomlu fosturforeldraskipanini. 

Í dag verður Fosturforeldrafelagið, sum arbeiðir fyri fosturforeldrum og børnum, sum koma til fosturs, 25 ár. 

- Vit ynskja okkum politiska raðfesting, er boðskapurin frá forkvinnuni í nevndini, sum verður í útvarpsstovuni. 

Friðarsamráðingar um Ukraina

Frá friðarsamráðingunum um Ukraina. (Fabrice Coffrini/AFP/Ritzau Scanpix)

Friðartingingar

Skal Ukraina lata stór landaøki frá sær og sleppa øllum ynskjum um at sleppa upp í NATO, afturfyri at fáa friðaravtalu við Russland? 

USA stjórnar samráðingum um frið í Ukraina, men spurningurin er, hvørjum treytum Ukraina og restin av Evropa kunnu liva við. 

Seinni í sendingini tosa vit við Hans Andrias Sølvará, søgufrøðing og rithøvund. 

Breddin klokkan 10.