- Tíðindi, mentan og ítróttur
Ógreitt hvussu verður við makrelkvotuni næsta ár
Ógreitt hvussu verður við makrelkvotuni næsta ár
Eirikur í Jákupsstovu, landsstýrismaður í tilfeingis- og vinnumálum, ráðførdi seg við uttanlandsnevndina í gjár
Eirikur í Jákupsstovu er landsstýrismaður í tilfeingis- og vinnumálum.
11.12.2025 - 14:31
Enn er ógreitt, hvussu verður við føroysku makrelkvotuni næsta ár.
Eirikur í Jákupsstovu, landsstýrismaður í tilfeingis- og vinnumálum, ráðførdi seg við uttanlandsnevndina í gjár um makrelkvotuna.
Landsstýrismaðurin vil tó ikki siga, hvat hann ítøkiliga ráðførdi seg um, og hvat hann nú fer at gera.
Minkar 70 prosent
ICES mælir til, at makrelkvotan minkar 70 prosent næsta ár. Strandarlondini eru samd um at lurta eftir ICES. Men tey eru ikki samd um, hvussu makrelurin skal býtast teirra millum.
Sambært býtinum í ár fáa Føroyar 20.923 tons næsta ár, sum eru 48.312 tons minni enn í ár.
Hetta er eftir, at tað, sum vit gjalda fyri atgongd hjá øðrum, er farið burturav.
Er kopiera
Nýggjastu sendingar í ÚV
Nýggjastu sendingar í SV
