Føroyskir fangar í Danmark kunnu leggja útfaringarloyvi saman

Serligar reglur eru um útfaringarloyvi hjá føroyingum, sum eru í fongsli ella í trygdarvarðhaldi, forvaring, í Danmark.

Tey kunnu leggja saman fleiri útfaringarloyvi, so tey kunnu fara til Føroya ella vitja nærskyld fólk í Danmark, sum fyribils eru í Danmark just við tí endamáli at vera saman við tí, sum hevur útfaringarloyvi.

Tað sigur danski løgmálaráðharrin, Peter Hummelgaard, í svari til Sjúrð Skaale, fólkatingsmann.

Til Føroya hvørt hálva ár

Føroyingar, sum skula sita í meira enn seks mánaðir, ella eru í trygdarvarðhaldi í Danmark, kunnu leggja saman upp í seks útfaringarloyvi, so tey hvørt hálva ár kunnu fara til Føroya til dømis.

Reglur eru um endurgjald fyri ferðakostnað.

Fongslini í Danmark hava í ár gjørt kunningartilfar til føroyskar fangar og avvarðandi teirra.