Floksformaðurin: Hetta er ein góð jólagáva

Meira enn triðjahvør atkvøða fer til Fólkaflokkin, sum tvífaldar tingmanningina, vísir nýggj veljarakanning

Beinir Johannesen, floksformaður, ger eitt rættiligt hál í nýggjastu veljarakanningini. Fólkaflokkurin tvífaldar tingmannatalið, úr seks upp í 12.

Mynd: Bjarni Árting Rubeksen

Jógvan Andrias Skeel Nolsøe

22.12.2025 - 13:47

Meira enn triðjahvør atkvøða fer til Fólkaflokkin, og flokkurin fær aðruhvørja atkvøðu uttan fyri Havnina.

Tað vísir veljarakanning, sum Spyr.fo hevur gjørt fyri Kringvarpið.

- Hetta er ein góð jólagáva. Tað ljóðar mest sum ótrúligt, sigur formaðurin í Fólkaflokkinum, Beinir Johannesen:

22122025_Beinir_um_veljarakanning

Kanningin var gjørd 19. desember, 499 fólk hava svarað, og óvissan í kanningini um 3,5 prosent.

Beinta Løwe

Beinta Løwe.

Torført at sleppa uttan um Fólkaflokkin

- Tað verður torført at sleppa uttan um Fólkaflokkin í eini samgongu eftir løgtingsvalið, tí hinir flokkarnir eru so ymiskir. Nú byrjar valstríðið av álvara, og tað kann elva til innanhýsis ósemjur í flokkunum, sigur Beinta Løwe, politiskur viðmerkjari, sum var gestur hjá Elini Winther Poulsen í útvarpsstovuni:

22122025_Beinta