Kappingareftirlitið góðkennir yvirtøku

Kappingareftirlitið hevur góðkent, at smápartafelagið 20.10.2025 yvirtekur 20 prosent av partapeninginum  í smápartafelagnum 31.01.2011, sum rekur línuskipið Sandshavið. 

Í fyrsta umfari góðtók Vørn ikki, at smápartafelagið Ango yvirtók partapeningin hjá Vørustíggi í smápartafelagnum 31.01.2011, tí útlendskir eigarar eru í Ango.

Føroysku eigararnir í Ango stovnaðu tí smápartafelagið 20.10.2025, sum so yvirtekur partapeningin hjá Vørustíggi í Sandshavinum, skrivar Kappingareftirlitið.