Helgi Hoydal: Undirbuksur, hosur og hondbóltsskógvar mugu við

Helgi Hildarson Hoydal er bara ein av teimum leikarum á manslandsliðnum í hondbólti, ið spælir í heimligu kappingini. 

Helgi dylir ikki fyri, at tað merkist, tá hann spælir landsdystir, at hann ikki spælir á einum hægri støði uttanlands longur. 

Eitt sjónvarpslið var í hølunum á Helga í sambandi við seinna venjingardystin móti Italia sunnukvøldið, sum Føroyar vunnu 38-34. Hálvleiksstøðan var 18-17 til Føroyar. 

Helgi Hildarson Hoydal heldur, at dystirnir móti Italia vóru umráðandi undan fráferðini til Oslo, tí Italia spælir upp á nógvar mátar á sama hátt sum Sveis, sum Føroyar møta í fyrsta EM-dystinum fríggjakvøldið. 

Viðvíkjandi at pakka til ferðina, so eru undirbuksur, hosur og hondbóltsskógvar tað mest umráðandi at hava við. 

"Oslo er ein stórbýur, sum okkurt manglar, so kann tað altíð keypast," staðfestir Helgi Hildarston Hoydal brosandi.