Barsilsskipanin skal vera smidligari

Arbeitt verður við at gera barsilsskipanina smidligari. 

Tað skal vera  møguligt hjá báðum foreldrum at vera samstundis í barsilsfarloyvi í upp til fýra vikur fyri barnsburðin. 

Tað sigur Margit Stórá, landsstýriskvinna.

Hon hevur svarað spurningi frá Súsonnu Bertholdsen, løgtingskvinnu, sum spurdi, um landsstýriskvinnan ætlar at arbeiða fyri, at makar úr Suðuroynni kunnu fáa endurgjald úr barsilsskipanini fyri mista inntøku, tá teir vegna frástøðuna til meginøkið, hava inntøkumiss í nógvar vikur í sambandi við barnsburð.

Margit Stórá sigur, at er rúm fyri tí í verandi fíggingarleisti, verður eisini arbeitt við øðrum batum í barsilsskipanini.

Hvørjir teir eru, sigur hon ikki.

Broytingarnar í barsilsskipanini skulu koma í gildi 1. januar 2027.