Johan Dahl: ES er annað enn fiskivinna og forðingar

- Vit eiga ikki bara at hugsa um fiskivinnu og forðingar, tá vit tosa um tættari tilknýti til ES.

Tað sigur Johan Dahl, tingmaður fyri Sambandsflokkin. Hann vísir á, at í ES eru møguleikar fyri ymiskum stuðli, sum Føroyar kundu gagnnýtt.

Ein stórur meiriluti í uttanríkisnevndini hjá ES biður ES-stovnar arbeiða aktivt fyri norskum, íslendskum og grønlendskum limaskapi í ES.

Breddi um ES-limaskap

Í Breddanum fyrrapartin var politiskt kjak um føroyskan limaskap í ES, og um tað er nú, at vit skulu streingja á at fáa limaskap. 

Jacob Vestergaard, tingmaður fyri Fólkaflokkin, og Sirið Stenberg, landsstýriskvinna í uttanríkismálum, eru ósamd við Johan Dahl.

Hoyr innslag í útvarpstíðindunum:

Sjúrður Skaale, fólkatingsmaður, og Jenis av Rana, formaður í Miðflokkinum, vóru eisini í Breddanum fyrrapartin.

Hoyr allan Breddan her.