Frítekst tagging:
- Tíðindi, mentan og ítróttur
Løgmaður: Lóg skal regulera onnur trúarsamfeløg
Løgmaður: Lóg skal regulera onnur trúarsamfeløg
Málið er viðgjørt í landsstýrinum fyri stuttum, men nær uppskotið kemur í tingið, er ikki greitt
Aksel V. Johannesen, løgmaður, sigur, at lógin um onnur trúarsamfeløg skal tryggja, at grundsúlurnar í fólkaræðinum ikki vera hóttar.
Mynd: AFP/Ritzau Scanpix
04.02.2026 - 08:48
Tíðin er búgvin til, at vit gera eina lóg, sum regulerar onnur trúarsamfeløg.
Málið er fyri stuttum viðgjørt í landsstýrinum.
Avgjørt er at fara undir at gera slíka lóg. Nær lógaruppskotið kemur í tingið, er ov tíðliga at siga.
Tað sigur Aksel V. Johannesen, løgmaður, í svari til Jenis av Rana, løgtingsmann.
Hann sigur, at sambært grundlógini vera viðurskifti hjá trúarsamfeløgum, sum víkja frá fólkakirkjuni, fyriskipað nærri við lóg. Eingin slík lóg er í Føroyum.
Jenis av Rana setti løgmanni spurningin. (Mynd: Bjarni Árting Rubeksen)
Eiga at banna statsfígging
Løgmaður sigur, at eftir hansara tykki eiga vit at regulera fremmanda fígging og heilt at banna fremmandari statsfígging í hesum sambandi.
Løgmaður heldur eisini, at komandi lógin skal tryggja, at grundsúlurnar í fólkaræðinum ikki vera hóttar.
Hann er samdur við Jenis av Rana um, at Føroyar eru lítið og viðbrekið samfelag.
Vit eiga at verja føroyska mentan, virði og fólkaræði, sigur Aksel V. Johannesen, løgmaður.
Er kopiera
Nýggjastu sendingar í ÚV
Nýggjastu sendingar í SV
