Ferðsluóhapp í gjárkvøldið - eitt fólk flutt á Landssjúkrahúsið

Eitt fólk var flutt á Landssjúkrahúsið klokkan nakað yvir hálvgum seks í gjárkvøldið eftir eitt ferðsluóhapp.

Ferðsluóhappið var millum Velbastaðháls og omankoyringina til Velbastaðar.

Ein bilur blunkaði, koyrdi til síðis og steðgaði.

Ein annar bilur, sum kom sama veg, rendi upp í bilin, sum var steðgaður.

Bilarnir fóru illa, og tann, sum koyrdi fremra bilin, var fluttur á Landssjúkrahúsið, sigur politiið.