Næstan 55.000 fólk á nýggjárinum

Næstan 55.000 fólk búðu í Føroyum, tá árið byrjaði.

Vøksturin í 2025 var 0,8 prosent, tað eru 448 fólk.

Tað vaks bara 0,4 prosent í 2024.

Neyva fólkatalið var 54.981 tann 1. januar í ár.

Fólkatalið fór annars beint upp um 55.000 síðsta summar.

Fólkatal

Minkaði eftir fráflyting

Men tað minkaði aftur eftir fráflytingina í august og september, tá mong ung fluttu av landinum.

Størri burðaravlop og størri nettoflyting ávirkaðu fólkatalið í fjør.

Burðaravlopið var 210 fólk og nettoflytingin 238 fólk. 

Miðalaldurin í Føroyum er vaksin sjey ár síðan 1985.

Miðalaldurin var 40,4 ár tann 1. januar.