Kvinna úr Filipsoyggjum bíðar eftir p-tali fyri at fáa arbeiði

Carol Findleton úr Filipsoyggjum hevur bíðað í fleiri mánaðir eftir p-tali frá Útlendingastovuni, síðani hon flutti til Føroya í august í fjør.

Meðan hon bíðar, kann hon ikki arbeiða, og barn hennara fær ikki somu møguleikar sum floksfelagarnir.

Carol Findelton er gift manni úr Føroyum.

- Hvørja ferð, eg vendi mær til okkurt virki um arbeiði, siga tey, at eg havi brúk fyri einum p-tali. So, eg kann einki gera. Vit hava roynt seta okkum í samband við Útlendingastovuna, men enn hava vit einki svar fingið. 

Tannáringabarnið hjá Carol Findleton er byrjað í skúla, men nú er ætlanin at flokkurin skal á námsferð, og tað ørkymlar Carol.

Hoyr innslag í útvarpstíðindunum: 

Í løtuni hevur Útlendingastovan 1.874 mál, sum ikki eru avgreidd. 

Tað upplýsir landsstýriskvinnan í uttanríkis- og vinnumálum í svari uppá grein 52 fyrispurning.