Kaj Leo gevst í politikki

Kaj Leo Holm Johannesen, fyrrverandi løgmaður, gevst í politikki og stillar ikki uppaftur til løgtingsvalið, sum verður 26. mars.

Tað boðar hann frá í dag.

"Takk fyri øll somul eftir 25 ár í politikki gevist eg. Takk til veljarar, familju, vinir og kenningar", skrivar hann á sínum facebook-vanga.

Sambandsflokkurin fekk sjey tingfólk á løgtingsvalinum í 2022, og Kaj Leo Holm Johannesen var nummar seks. Hann fekk 308 atkvøður.

Kaj Leo Holm Johannesen var løgmaður frá 2008 til 2015.

Hann hevur eisini verið landsstýrismaður og býráðspolitikari í Havn.