Umvæla nú Hamragarð í Vági

Sáttmálin um at umvæla Hamragarð var gjørdur 16. januar.

Og í februar var farið undir at fyrireika byggiplássið.

Fyrstu niðurtøkuarbeiðini eru byrjað. 

Landsverk, Almanna- og Heilsumálaráðið, kommunurnar í syðru helvt í Suðuroynni og leiðslan hjá Bú -og heimatænastu gjørdu í fjør summar avtalu um, hvat skal gerast við Hamagarð og, hvussu eigaraviðurskiftini skulu skipast. 

Tað sigur Margit Stórá, landsstýriskvinna, í svari til Erhard Joensen, tingmann.

Land og kommunur býta kostnaðin

Býtið millum land og kommunur er 65/35.

Tær fýra kommunurnar býta tey 35 prosentini sínámillum. 

Endurgjaldið frá gerðarrættarmálinum móti høvuðsarbeiðstakaranum er við í býtinum.

Tað er 3,8 mió. kr.

Tað kostar 17,3 milliónir krónur at umvæla Hamragarð, segði Landsverk í mars í 2023.