Ákæruvaldið kærir dómin um valsvik

Ákæruvaldið hevur gjørt av at kæra dómin um valsvik í Oyndarfirði til landsrættin. 

Málið er tað fyrsta um valsvik í Føroyum.

Málið var fyri í Føroya Rætti síðst í februar, har ákærdi maðurin varð fríkendur. Hann var ákærdur fyri at hava broytt ein valseðil, so hann varð ógildaður. Rætturin var tó ikki samdur í niðurstøðuni.

Eystari andsrættur er í Føroyum í hesum døgum, men enn er ikki avgjørt, nær málið kemur fyri.