Sendi út neyðarkall

MRCC hoyrdi neyðarkallið, og royndi at seta seg í samband við Pressaran, men har var einki svar, - helst tí menninir báðir umborð høvdu ovmikið at gera at halda bátin lens, tí hann lak illa. Teir høvdu tó boðað løgregluni frá, sum síðani sendi boðini til MRCC, sum síðani sendi tyrluna hjá Atlantsflogi á staðið.

Minni báturin hjá Sørvágs bjargingarfelag, Rescue Ivan, var  eisini sendur á staðið. Rescue Sverri er ikki tøkur í løtuni. Og alibáturin hjá Luna, Tvørfelli, kom eisini til hjálpar.

Tyrlan setti ein mann við tveimum pumpum umborð á Pressaran at halda bátin flótandi, meðan báturin var sleipaður til Sørvágs.

Báturin er í morgun tikin upp á kajina í Sørvági, sigur vaktleiðarin hjá MRCC.