Blindi bókhaldarin takkar fyri seg

Johan Petur Nielsen er útbúgvin grannskoðari og hevur alt sítt vaksna lív arbeitt sum bókhaldari. 

Einki óvanligt er í tí, men Johan Petur Nielsen er blindur. 

Nú sum 67 ára gamal fer Johan Petur Nielsen á pensjón, eftir at hann seinastu mongu árini hevur arbeitt sum bókhaldari á Sjóndeplinum. 

Men hvussu kanst tú arbeiða við teldum og tølum, tá tú ert blindur? 

- Eg havi ymisk amboð, sum eg brúki, tá eg eri ti arbeiðis. Eg kann til dømis forstørra tekst og tøl, og eg kann eisini brúka teldutalu, soleiðis at tøl og bókstavir verða lisin upp fyri mær, sigur Johan Petur Nielsen.

Í morgunsendingini vitja vit á Sjóndeplinum, har Johan Petur Nielsen greiðir frá arbeiðinum og lívinum sum blindur.