Sissal: Eg visti einki um aftaná

Óttin fyri afturfalli, óvissan um framtíðina og avbjóðingarnar við at venda aftur til gerandisdagin.

Í februar í fjør fekk Sissal Kampmann staðfest blóðkrabba. Eftir harða viðgerð varð hon staðfest frísk, men tíðin aftaná gjørdist nógv øðrvísi, enn hon hevði ímyndað sær.

– Eg visti einki um aftaná, sigur Sissal Kampmann, sum saknaði at hoyra frá øðrum, ið høvdu verið ígjøgnum tað sama.

Tí hevur hon gjørt útvarpssendirøðina "Aftaná – lívið eftir krabbamein", har fólk við ymiskum royndum greiða frá lívinum, tá viðgerðin er liðug.

Endamálið er at seta orð á eina tíð, sum ofta fær lítla umrøðu, og at geva bæði fyrrverandi krabbameinssjúklingum og avvarðandi størri innlit og fatan.

Sendirøðin er í fýra pørtum, hon verður send mikudagar klokkan 16.05 og er annars at finna á kvf.fo.

Hoyr samrøðuna við Sissal Kampmann í Góðan morgun Føroyum.