Hermann Samuelsen á ting

Hermann Samuelsen hevur tikið sæti á tingi fyri Onnu Falkenberg í Sambandsflokkinum, meðan hon er á fólkatingi. 

Tað hevur løgtingið samtykt. 

Eftir at landsstýrið var skipað, kom Anna Falkenberg á ting sum varafólk. Hon fekk 272 atkvøður á løgtingvalinum 26. mars.

Frammanundan var Anna Falkenberg vald á fólkating við 5.303 atkvøðum, og í dag bað hon um farloyvi úr løgtinginum, meðan hon er í fólkatinginum. 

Anna Falkenberg

Anna Falkenberg hevur tikið farloyvi úr løgtinginum, meðan hon situr á fólkatingi. 

Hermann Samuelsen gjørdist summar 10 á sambandslistanum til løgtingsvalið. Hann fekk 258 atkvøður.

Hermann Samuelsen er eisini limur í Klaksvíkar býráði. 

Tingfundurin verður tikin uppaftur klokkan 13, og tá verða løgtingsnevndir valdar.