Løkke vil hava Troels Lund til samráðingarleiðara

Lars Løkke Rasmussen, formaður í Moderatunum, tekur seg úr samráðingunum við Mette Frederiksen, samráðingarleiðara, og vísir í staðin á Troels Lund Poulsen, formann í Vinstra, at standa á odda fyri samráðingunum.

Hann vísir kortini ikki aftur, at Mette Frederiksen kann gerast forsætisráðfrú.

Løkke sigur soleiðis við TV2:

Formaðurin í Moderatunum vil hava eitt nýtt umfar, har øll forfólkini skulu til kong at boða frá, hvønn tey vísa á skal vera samráðingarleiðari.

Samráðingarnar um at skipa stjórn, sum hava verið í slakar sjey vikur, eru drúgvastu samráðingarnar í nýggjari tíð.

Í 2022 setti Mette Frederiksen met, tá samráðingarnar vardu í 44 dagar. Tað eru longstu samráðingarnar síðan 1975, tá Anker Jørgensen, sum tá var formaður fyri Sosialdemokratarnar, tók metið, skrivar danska kringvarpið.