FNU: Vit eiga ikki at leita eftir olju í Føroyum

- Vit eiga ikki at leita eftir olju í Føroyum.

Tað sigur Jón Kragesteen, formaður í FNU. 

Sambært honum er tað eitt afturstig í grøna orkuskiftinum.

Oljan er ikki loysnin

Kjakið um oljuleiting í Føroyum er kyknað uppaftur, og fólk eru ymisk á máli.

Heimsstøðan er spent, kríggj herjar í fleiri londum, og tí eiga vit at hugsa um oljutrygd her heima.

Tað segði Jens Meinhard Rasmussen, stjóri í Skansa og Smyril Line, í útvarpstíðundunum í gjár. 

Men sambært Jón Kragesteen er oljan ikki svarið, men heldur ein eyðkend grundgeving, sum fólk, ið liva av oljuídnaði, nýta.

Eitt stig longur aftur

Men tað gongur striltið at fáa gongd á grøna orkuskiftið í Føroyum. 

Tað viðgongur Jón Kragesteen.

Men um vit skumpa undir oljuvinnuna í Føroyum, so koma vit enn longur afturúr, og tað er ikki ráðiligt, spyrt tú Jón Kragesteen. 

Sambært honum er útlátið í Føroyum millum heimsins hægstu, og seta vit hol á oljuleiting nú, fer gongdin tann heilt skeiva vegin.