Skuldsett fyri at smugla fimm kilo av kokaini

Politiið tók í gjárkvøldið trý fólk í sambandi við kanningarbeiði í stórum rúsevnismáli. 

Fólkini eru skuldsett fyri at hava smuglað fimm kilo av kokaini til Føroya og fyri at hava selt størsta partin í Føroyum.

Talan er um eina kvinnu og tveir menn, sum øll eru í tjúgunum og búgva í Føroyum. 

Grundlógaravhoyring verður í Føroya rætti í dag klokkan tíggju.