Nýtt alment nátthús í Havn

Heilt nýtt alment vesi skal gerast í Mylnugøtu í Havn.

Talan er um stórarbeiði, sum neyvan verður liðugt fyrr enn í fyrsta lagi um eitt ár, sigur Tórshavnar kommuna.

Almenna vesið í Mylnugøtu fór illa av eldsbruna í november 2024.

Vesið hevur verið stongt síðan eldsbrunan.

Og striltið hevur verið at byrja umvælingararbeiðið. 

Tryggingarspurningurin tók drúgva tíð.

Og royndir, sum vóru tiknar av betonginum, vístu eisini, at almenna vesið, sum er frá 1950-unum, var í sera ringum standi. 

Tí var gjørt av, at frægasta loysnin var at gera vesið heilt av nýggjum, og eisini at flyta tað eitt lítið sindur.

Skal flytast

Tað verður nú har, sum SEV hevur transformarastøð.

Nýggja vesið verður tí størri enn tað gamla var, umframt at atkomuviðurskiftini vera betri.

Ætlanin er at gera eitt torn við lyftu frá grasvøllinum framman fyri ráðhúsið.

Kannað verður, hvussu atkoman úr Vágsbotni og Tórsgøtu kann bøtast.

Ein maður var tikin, skuldsettur fyri eldáseting, og málið er latið ákæruvaldinum.