Eingin Jarnbardur: Nýggjur føroyameistari skal finnast

Nýggjar tíðir hjá 6-mannaførunum hjá kvinnum.

Eingin Jarnbardur stillaði upp, men - og kanska tí - vóru heili níggju bátar á startinum á norðoyastevnu. Nógv fleiri enn undanfarin ár.

 - Eg kann bara gita, at tað er tí, at vit ikki eru við, segði Jannie Dam Jacobsen, sum nú stýrir Píli, har dótturin Alda situr við árarnar. 

SÍ EISINI: Møðgur vunnu við Píli

Hvussu er og ikki, so var spenningurin stórur undan róðrinum, og tað vísti seg, at tvídysturin um gullið stóð ímillum Víking hjá Havnar Róðrarfelag og Froðbing hjá Froðbiar Sóknar Róðrarfelag.

Endin var, at Víkingur var fyrstur á mál. Froðbingur var nummar tvey, og Rádni hjá ÍF kom triðjur um mállinjuna.

 - Tað var ordiliga stórt at koma á land, tá so nógv fólk taka ímóti okkum, segði føðingardagsbarni Linda Guttesen, sum var væl nøgd við at fáa norðoyastevnusigurin í gávu.

Sí innslag um 6-mannafarsróðurin omanfyri.