Norðborg víðari í rættarskipanini

Málið um lodnuna hjá Norðborg skal roynast í Landsrættinum.

Ákæruvaldið hevur appellerað.

Tey ákærdu, skiparin og reiðaríið, hava nú 14 dagar til at avgera, um tey eisini skulu appellera. 

Skiparin fekk 100.000 krónur í sekt fyri at fiska ov nógva lodnu í íslendskum sjógvi í mars í fjør. 

Ákæruvaldið kravdi 600.000 krónur.

Og, at skipið misti 10 mió. kr., sum, sambært ákæruvaldinum, svarar til vinningin av tí, sum Norðborg fiskaði ov nógv.

Men tað vildi Føroya rættur ikki. 

Sambært ákæruritinum fiskaði Norðborg 99 prosent meira enn skipið hevði loyvi til.

Lodnukvotan hjá Norðborg var 107,26 tons.