Verkætlan klár men eingir pengar

Tað fer at kosta stívar 70 mió. kr. at dagføra byrgingina um Haraldssund.

Landsverk hevur havt verkætlan um tað klára í nógv ár.

Men pengar eru ikki játtaðir til hennara. 

Tað sigur Jacob Vestergaard, landsstýrismaður, i svari til Eirik í Jákupsstovu, løgtingmann.

350 metrar

Byrgingin um Haraldssund er 350 metrar long og 20 metrar breið oman fyri sjóvarmálan. 

Verkætlanin, sum er gjørd, umfatar ein veg við tveimum farbreytum og einari gongu- og súkklubreyt.

Gøtuljós eru við, og verjugrótið á norðaru síðu skal hækkast ein metur.

Vegurin verður ein natúrligur partur av vegunum báðu megin byrgingina. 

Landsverk mælir til, at aldusimuleringar, aldueftirgerðir, vera gjørdar, áðrenn farið verður undir verkætlanina fyri at tryggja, at byrgingin verður nóg høg.