KvF stroymir fótbóltskvinnurnar

Síðsti HM-undankappingardysturin hjá fótbóltslandsliðnum við kvinnum ímóti Georgia verður seinnapartin. Kringvarpið stroymir dystin á kvf.fo klokkan 14.20

Føroyar spælir sín seinasta HM-undankappingardyst í ár seinnapartin. Georgia tekur ímót

Mynd: Jóhanna Thomsen/FSF

Símun Christian Olsen

05.06.2026 - 13:25

Fótbóltskvinnurnar spæla sín síðsta HM-undankappingardyst í ár á útivølli ímóti Georgia seinnapartin.

Føroyar vunnu tepran 1-0 sigur á Georgia á Tórsvølli í apríl, og javnleikur ella sigur gevur 2. plássið í bólkinum aftan fyri Grikkaland, sum hevur fult stigatal.

Í besta føri kann 2. pláss eisini geva ein røkkstøkk-dyst um pláss í HM-endaspælinum í Brasil næsta ár, men tað er treytað av, at onnur úrslit laga seg til fyrimuns fyri Føroyar.

LES EISINI: Fótbóltskvinnurnar spæla fyri røkkstøkk-dystum

Føroyski hópurin er raktur av fleiri avboðum.

Liðskiparin, Ásla Johannesen, verður ikki við, og tað vera Julia Naomi Mortensen, Rúna Jacobsen, Sara Samson Shaki og Jensa Tórálvsdóttir heldur ikki. Tí hevur landsliðsvenjarin, Pætur Smith Clementsen, sent boð eftir Jancy Mohr, Tóru Mohr og Malenu Olsen úr KÍ og Natalia Dansdóttir Olsen og Eydnu Olsen Dalheim úr Víkingi.

Kringvarpið stroymir dystin millum Føroyar og Georgia í dag klokkan 14.20. Hann kann síggjast her.