Manningin eigur ein fimting

Fasti gerðarrættur hevur fingið fýra mál í ár.

Felagið hjá fysioterapeutum vil hava Fíggjarmálaráðið at viðurkenna, at tímaløntir fysioterapeutar eiga rætt til eftirlønargjald.

Føroya arbeiðarafelag vil hava Starvsfelagið at viðurkenna, at trygdarfólkini á flogvøllinum eru í sáttmálaøkinum hjá Føroya arbeiðarafelagi.

Skipara- og navigatørfelagið vil hava Fíggarmálaráðið at viðurkenna, at manningin á Jákupi Sverra hevur rætt til 20 prosent av samsýningini, sum reiðaríið fekk fyri at nýta skipið í Portugal sum havrannsóknarskip í november og desember í fjør.

Og Starvsfelagið vil hava Kommunala arbeiðsgevarafelagið at viðurkenna, at skrivliga ávaringin, sum Nes kommuna gav starvsfólki í august í fjør, er ógildug.