Neyðarróp men eingin neyð

Mikukvøldið var aftur galið við neyðsendara hjá stuttleikabáti.

EPIRB signal komu frá stuttleikabáti, sum var eystan fyri Suðuroynna.

Staðfest var skjótt, hvør báturin var. 

Tyrla var til reiðar at fara at leita, men fór tó ikki á flog. 

Trupult var at fáa samband við bátin og eigarar.

Men við góðari hjálp frá Suðuroyar norðara bjargingarfelag fekst samband við bátin, skrivar MRCC. 

Tað vísti seg, at EPIRBurin var farin at senda av óvart.

Tí var ikki talan um neyðstøðu.