Fakfeløg hava heldur ikki gjørt nóg mikið at bøta um trygdina

Arbeiðsgevarin hevur ábyrgdina av trygdini á arbeiðsplássinum, ger formaðurin í Føroya Handverkarafelag greitt.

Men hann tekur eisini í egnan barm, tí fakfeløgini hava ikki gjørt nóg mikið fyri at bøta um trygdina.

- Vit kunnu ikki góðtaka, at tað henda so nógvar deyðsvanlukkur, sigur Suni Simonsen.

Suni Simonsen bleiv í vár valdur í arbeiðsumhvørvisráðið, sum vegleiðir myndugleikarnar um eitt nú arbeiðstrygd. Har ætlar hann at gera sítt fyri at ávirka, men finst at, at ráðið bara hevur fýra fundir um árið.

Sí innslag í Degi og viku og samrøðu við Jón Sigurdsson, formann í Føroya Arbeiðsgevarafelag, ið var gestur í sjónvarpsstovuni.