Flogbóltskvinnurnar vunnu bronsu

Føroyska a-landsliðið í flogbólti við kvinnum tryggjaði sær í gjár bronsuna í kappingini um SCA meistaraheitið, sum var í Andorra um vikuskiftið.

Mótstøðan í bronusdystinum var millum lítil og ongin, og Føroyar vunnu tryggan 3-0 sigur á Írlandi við settúrslitunum 25-19, 25-10 og 25-19. 

Sostatt vunnu Føroyar bronsu í kappingini, sum var góður uggi fyri mista finaluplássið.

TÍ Føroysku kvinnurnar vóru ivaleyst vónbrotnar av ikki at røkka í finaluna. Hálvfinalan ímóti Skotlandi var bæði jøvn og spennand, og javnbrótari, sum skotar vunnu 15-12, skuldi til fyri at avgera dystin.

Finaluna vann Skotland 3-2 á San Marino og fekk sítt triðja SCA-meistaraheiti á rað.

SCA meistarahetið, kvinnur:
Føroyar – Írland 3-0 (25-19, 25-10, 25-19)

SCA-meistaraheitið, støðan:

Nr. 1 Skotland
Nr. 2 San Marino
Nr. 3 FØROYAR
Nr. 4 Írland
Nr. 5 Malta
Nr. 6 Liktinstein
Nr. 7 Andorra